December 31, 2006

خلى شوية عليا وخلى شوية عليك

لسا وصلانى الأغنية دى من كام دقيقة، وللحق انا مش من عشاق سيد مكاوى.. بس الأغنية دى من الأغانى اللى ليها ذكريات قديمة عندى... بتخلينى بتنفس هوا نضيف....
مش عارفة اسمها، ولا كاتب الكلمات.. بس اعرف انه "سيد مكاوى" اللى بيغنى أكيد...
ممكن اسبكم حبة لحظات تستعيدوا ذكريات من الزمن الجميل
وبجد شكرا من كل قلبى "لأنا وافكارى" انه اهدهانى من كام دقيقة بس
:)


وحياتك يا حبيبى ريح قلبى معاك
غلب الحب معايا وتعب الشوق وياك
ماتفتنيش انا وحدى أفضل أحايل فيك
ما تخليش الدنيا تلعب بيا وبيك
خلى شوية عليا وخلى شوية عليك

عمر هوانا بيجرى شوف راح منه كام
ساعة شوق ومحبة وشهر بعاد وخصام
ويبقى الحب تايه مش عارف احنا فين
زى المركب ما تبقى محتارة بين شطين
لكن لامتى يا عيونى انت
نبقى حبايب ومش حبايب لحد امتى

برجع تانى واقول لك ريحنى الله يخليك
عشان المركب تقدر تمشى بيا وبيك
وماتفتنيش انا وحدى افضل احايل فيك
ما تخليش الدنيا تلعب بيا وبيك
خلى شوية عليا وخلى شوية عليك

الليل بدموعه آسى وياويلى من ساعاتى
والصبر لسا ساكت وياويلى من سكاتى
توعدنى بفرحتى واستنى بضحكتى
زى الوردة ما تبقى مستنية الندى
وتغيب وتفتكر وتجينى وتعتذر
فين القلب اللى يقدر يستحمل كل دا

برجع تانى واقول لك ريحنى الله يخليك
عشان المركب تقدر تمشى بيا وبيك
ما تفتنيش انا وحدى افضل احايل فيك
ما تخليش الدنيا تلعب بيا وبيك
خلى شوية عليا وخلى شوية عليك


سلاماتى

5 comments:

Omar Mostafa said...

طبعاً يا ستي طبعاً :-)

Dananeer said...

الله عليكى يا بلو
انا باعشق الاغنيه دى
و كمان
واحده تانيه مش فاكراها دلوقتى

Lasto-adri *Blue* said...

بحبها بشكل غير طبيعى على فكرة

Amr Ibrahim said...

el 3afw ya fandm
any time :)

Anonymous said...

ana mosh 3arfaaa anzalha ,nazaltoha azai,mata3mali nazam al download zai ma daneer 3amla