June 16, 2005

إستعنا على الشقا بالله.. بسم الله الرحمن الرحيم


بعد صراعات لإختيار إسم البلوج و إختلافات و إقتراحات لا تُرضى جميع الأطراف..
قررتُ أنا المعنية "لستُ أدرى" هانم، بالإشتراك مع الباشمهندس "شكس" باشا، نقوم بحركة جدعنة على ديموقراطية مُفرطة، و نستفتح البلوج بعد ما إخترنا الإسم طبعا..

والصراحة بقى، يعنى أنا كان ممكن أعملكو مظاهرة لو إنتو ما وفقتوا ع الإسم العبقرى اللى جابو "شكس"
البيانولا...
وليه عبقرى بقى ح أقولكم..
أولا: لأنه فى الأصل من الأغانى المأثورة عن حبيب الشعب، عمى الكبير "صلاح جاهين" *و أنتم تعرفون من هو جاهين للعبدة لله*
ثانيا: لأنه أكثر الآلات تعبيرا عن روح هذا البلوج.. *صندوق موسيقى يطلع الألحان اللى صاحبه عايز يسمعها*
فعليه، وافقنا بالإجماع على الإسم.. *أنا و شكس طبعا*

و الحقيقة، كان بودى نفتتح فى جو عائلى بهيج، مع نغمات متدفقة *من السىدى بلاير* و قص الشريط و توزيع كبيات الشربات و ما إلى ذلك..
إلا إنه نظرا لظروف مشروع التخرج عند "موون ليت" و "شكس"
و إنشغال القمر "إيه زى" فى الشغل عنا.. و يشاطرها نفس المشاعر الأستاذ "دى إكسر"
دا غير عدم الإفصاح عن هوية باقى الأعضاء المرتقب إنضمامهم معانا *لحد ما يعملو بلوج.... يا مسهل..*

و عليه قررت أنا المعنية "لستُ أدرى" هانم لأننى العاطلة اللى فيكم و أصغر الأعضاء سننا.. تولى المهمة، و حتى وفرت عليكم عناء التفكير فى مقدمة.. * مدلعاكم قوى الصراحة..*

وأعلن من الآن: بدأنا الإرسال
ألو ألو حول

سلاماتى

5 comments:

Shex said...

الو الو
واحد اتنين تلاته
هل تسمعني... هل تسمعني
فراشة الحاج احمد تحييكم و تتمني لكم قضاء احلي الاوقات مع البيانولااااااااااااااا

لولولولولىىىىىىىىىىىىىىىىىىىىىى



عفوا!! ممنوع ضرب النار، العروسة حامل...نياهاهاهاها

BaVaLoVa said...

يا ألف نهار أبيض. حقيقي فرحتلكو. بس لن أتنازل عن حقي في شربات الافتتاح . و بعدين اسمه بيانولا, يعني لو حبيت اسمع أي حاجة أو حتى أقرا عندكو اي حاجة حتجيبوهالي و لا الاسم ده للتمويه ولا ايه النظام عندكو بالظبط

Mr.DXer said...

CQ CQ CQ DX...I ead U loud and clear ;)

welcome aboard Shex...rabena ma3aak....Ya lela beda wel 3aroosa 7amel ;0)

Bavalova....we can't promise anything...but at least we will try to povide you Ladies/Gents with what your are looking for ;0)

ana a3tred 3ala 3adam eldemokratia !! if 2 ppl only decided to choose the name and agree on it...at least one of them should have been elmo3arda ;) walla aiyh?...mosh kolo keda 7koma fi 7koma.....feen elahaaly ?...just kidding guys.

yalla..here we go.

Mr.DXer

Lasto-adri *Blue* said...

heheheheheheheeeeeeeeeee.

rabna yestor 3l blog keda...

3omoan yalla ya ged3an..
lets kick off summer.. :D

bavalovti...
ح نعمل ركن لــ "ما يطلبه المستعون"

Omar said...

جميل يا شباب، سأكون من الزوار الدائمين ان شاء الله، حيث إن أى مصيبة فيها مزيكا، أنا راشق على طول..
نصيحة بس، يا ريت الموضوع يبقى أكتر من كلمتين في السريع عن الفنان، ولينك لملف أو أكتر، ده جميل، بس يا ريت يبقى فيه كلام عن المزيكا عموماً وعلاقتنا بيها وتأثيرنا فيها وتأثرنا بيها..
كلام عن حفلات حضرتوها، تجارب موسيقية جديدة اكتشفتوها، كدة يعني
عموماً فيه موقع كويس عشان تحطه عليه المزيكا بتاعتكم www.savefile.com

تحياتي يا بتوع البيانولا، صباحه مزيكا