March 16, 2007

انا رحت القلعة

من غير كلام كتير.. ومن غير مفاوضات واختيارات كتير.. إسمعوا كلام عمنا "أحمد فؤاد نجم".. يا بيغنيه "الشيخ امام" يا "نغم مصرى"... وعيطى يا بهية على القوانين


انا رحت القلعة و شفت ياسين
حواليه العسكر و الزنازين
و الشوم و البوم
و كلاب الروم
يا خسارة يا أزهار البساتين
عيطي يا بهية على القوانين

انا شفت شباب الجامعة الزين
احمد و بهاء
و الكردي و زين
حارمينهم حتى الشوف بالعين
و ف عز الضهر مغميين
عيطي يا بهية على القوانين

و قابلت سهام
في كلام إنسان
منقوش و مأثر في الجدران
عن مصر و عن عمال حلوان
مظاليم العهد المعتقلين
عيطي يا بهية على القوانين

و قابلت هناك
منذر و زياد
و قابلت كمان عزت و جواد
أربع أبطال
شنقوا الجلاد
"التل" يهوذا الفدائيين
زغرطي يا بلدنا لدول مساجين

و اسمعي يا بلدنا خلاصة القول
و بقولك أهه و أنا قد القول
مش ممكن كده حيحول الحول
على كده و الناس يفضلوا ساكتين
خليكوا فاكرين
خليكوا شاهدين
انا رحت القلعة و شفت ياسين

9 comments:

Anonymous said...

في كمان إتجمعوا العشاق حلوة جدا و من غناء الشيخ إمام برضه أنا حطيتها على حجاز كار
:)
نقدر نقول ده إعلان لبلوج منافس
:D

محمد عبد الغفار said...

طب والله كويس انه لقى دول بس هناك

الحمد لله بقيت البلد اخدت أفراج

Anonymous said...

kott basma3ha embare7 :D nefsy el site yerga3 wala2y a3'aneehom tany

Anonymous said...

homa Nagham Masry lesa shaghaleen? Ana la7ezt en elsite mesh mawgood men aktar men 4 shohoor.

7ad ye3raf law batalo wala la2?

Lasto-adri *Blue* said...

مصرى
إذن فهى الحرب


محمد جعفر
على فكرة دول شخصيات حقيقية
وكانت موجودة فعلا فى المعتقل ايام ما نجم كتب قصيدته
:)


Daisy
وانا كمان.. ويحطوا اغانى تانية جديدة بقى


Sayed
مش عارفة والله ايه الحكاية
لحظت فعلا ان موقعهم وقع.. لعل المانع خير ان شاء الله

الأرمـوطــي said...

جميله جداً واسلوبك مميز

الأرمـوطــي said...

جميله جداً واسلوبك مميز

Anonymous said...

7ilwa awi

Anonymous said...

ده مش غنا

ده صراخ جميل و ملان شجن و احساس و حب لمصر

انا مبهور