إحم إحم
بما إن فى ناس معترضة على كورس الأغانى الأفرنجى .. وغير إنى عايزة أكسر قاعدة إدمان فيروز اللى تفشت بيننا.. نويت أتحفكم بحتة دين أغنية وقعت عليها امبارح إنما إيه يا جماعة.. حاجة عظمة كدة
أنا كنت بدور على أى حاجة لعزيزة مصطفى وغصب عنى نزلت الأغنية دى لغزيزة جلال وإسمها "ساعة عصرية"
إسمعوها وإنتوا مغمضين.. أكيد يا ح تشوفوا نفسكم فى القناطر أو جنينة الحيوانات.. * تمام كدة فى قفص إسم النبى حافظه *
سلاماتى
لستُ أدرى
4 comments:
الله الله، شوية طرب محصلوش، عزيزة جلال صوت من أهم الأصوات اللي غنت في ال 50 سنة الاخيرة على الإطلاق، مش عارف مين العبقري اللي عامل اللحن المفتري ده، بس صدفة جميلة انك تلاقيها وتسمعيهالنا، أهو كدة الكلام
بلا بنا نتقابل سوا
في الشمس و النور و الهوا
نتمشى ساعة عصريه
ما بين رضا و صحبه هنيه
هههههههههه
ولاالاغنيه العبقريه لعزيزه جلال:
هو الحب لعبه و لا الحب لعبه
تخاصمني حبه و تصالحني حبه
:-)
صبرك بالله يا جار القمر.. الأغنية دى فى السكة ..
:)
أنا مبسوطة إن فى ناس معجبة بزوقى الموسيقى .. مع إن ناس كتير بقى بتقول عليا..
ياللا القصد
عمر والله ولا أنا كمان أعرف مين المفترى دة.. بس ربنا يكرمه مطرح ما هو موجود
يا عينى على السلطنه
Post a Comment